شكراً على الجرح كفيتي ووفيتي
عفواً على تضحية عمري من الغيره
أصلا عرفتك ولا بيوم حبيتي
كذبة وأنا اللي ضحية يا الله الخيره
عشمتي القلب بالكذبة وقفيتي
العام كله ولا من غيرها سيره
ولولاي أنا بعد ربي ما تهنيتي
بعد الله أنجيت عمرك من معاثيره
ويومني احتجتلك رحتي وصديتي
وآخر رمق واضح فيني تعابيره
ومن يوم الضيق جاء يمي تخليتي
وهم مع الوقت جاني مع مغاويره
فرسان خيله وجيش ساكن بيتي
وعهد المعزب يرحب في مساييرة
أبسالك من همومك يوم قاسيتي؟؟
وأبغى جوابك يعلل في تفاسيره
وإلا أسألك ضيقتك في يوم عانيتي؟؟
وإلا الحزن درب عمرك في مشاويره
بأقولها إن كان مع غيري تسليتي
الله وكيلك وأنا بأرضي مقاديره
والله حسيبك على كل شيء سويتي
والحظ ربي يعوضني بتقصيره
صبحتي الجرح في جوفي ومسيتي
علمتي القلب كيف يكون تقديره
وأنا الذي من سمعتك يوم ناديتي
جيتك أنا بكل عطفي رغم تحذيره
ما أعطيتي القلب حقه يومك أعطيتي
ما أخذت منك سوى جرحي وتأثيره
بالأمس جيتي ورحتي مثل ما جيتي
ما عاد لك بالغلا طاري ولا غيره
"مدارات شعبية"