الطيب تاج.. وتاج للطيب سلطان
طيبه تعلا فوق هام السحابه
هو الوطن للي غريب بالأوطان
وهو القريب لمن ماله قرابه
هو الذخر للي بحاجه ويتمان
ما صك بابه بوجه منهو لجابه
مليان قلبه نور واحسان وايمان
وصدره حنون وكل ما به رحابه
دايم يدينه وافيه طيب وحسان
وما قال اللسانه قول الا وصابه
ما ينلقى مثله على مر الازمان
وهو خير قدوة لكل منهو احتذابه
لين انه اصبح اعظم صوره للانسان
ولا خاب من يدعيه واللي انتخى به
ماله شبيهٍ غير همال الامزان
ولكل محتاجٍ سريعٍ جوابه
هو مدهلٍ للي تعناه ضميان
وكل الصفات الطيبه تنلقى به
طيبه يعم الناس حضر وبدوان
والطيب منَّه بادي وانتهى به
وسلطان يبقى دايم الوقت سلطان
سيد على بيوت الشعر والكتابه
"مدارات شعبية"