كل المشاعر تفز وتنشر أشواقي
وجروح قلبي تلم الشوق وترده
أطلب وصالك وتطلب مني فراقي
وقلبي على قطعتك وده ولا وده
كان أمس مسكنك وسط العين بأحداقي
من قد شخصك بوسط العين من قده
واليوم حبك تبرّا منه خفاقي
بس المشاعر سراحه واقفه ضده
وإن كان ودك يعود المي للساقي
خل التغلي وحبلك بالوصل مده
وتعرف نشمي على طول الزمن باقي
مثل البحر ماتغير لونه المده
ويا لؤلؤ اللي تلألأ وسط الأعماقي
اسمع كلامي ولأحبابي بعد وده
عزيز ماذل نفسي عند عشاقي
وصرحٍ بنيته من اللي يقدر يهده
ولا تحسب إني هويتك كونك الراقي
قلبي على حبكم رب الفلق حده
"مدارات شعبية"