ليه يا نور الحياة وليه يا نور القصيد
ليش تهجرنا بعد وصلك وتتركنا كذا
والله انا ما نبيك اتروح مير انت عنيد
في وصالك يا مناوي لك عبير ولك شذا
منت مثل الناس يا لغالي لك الوصف الفريد
لك مكانة عند (ديوانك) لو يزود الأذى
والله انك عندي أغلى من ملايين الرصيد
انت لك ميزة وغيرك والله انه ينبذا
خلك بجنبي تراني عشت بالدنيا وحيد
يا بعد من ذكرهم في وسط قلبي له عذا
ارجع لدارك ترى شوق القوافي لك يزيد
واترك الماضي يروح بكل ما حط وخذا
"مدارات شعبية"