كنت اعتقد اني مع الوقت . . ابنساك
وشفني مع مرور الزمن مانسيتك
اموت واحيا لو يجيبون . . طرياك
لجلك تركت الناس . . خلفي وجيتك
اتخيل اني . . في منامي . . ابلقاك
وانام لجل اتخيل اني. . . لقيتك
ان جيت عذبت السهر بس لرضاك
وان غبت سابقت الخطا يم بيتك
بالمختصر اعشقك واغليك وابغاك
ورغم الجفا والبعد شفني هويتك
عطشان قلبي . . وما يبله سوى ماك
محتاج انا اروى دام كلي رويتط
اهديت لك قلبٍ له سنين يهواك
وادري ماهو قد المقام وهديتك
يحرم على ما في من الناس يسواك
كم لي افكر فيك . . منذ . . التقيتك
ان جيت ابمدح قلت للناس شرواك
وكل ما عطيتك شي كن ما عطيتك
والله حبيبي ما ادور سوى رضاك
شفني خسرت الناس يوم اشتريتك
وان كان مافي بالزمن غير ذكراك
وش فايدة هالحب . . لو ما حتريتك
انا . . وروحي وكل ماملك . . فداياك
يعني بكلام العبض . . والبيت . . بيتك
"مدارات شعبية"