يا ليل أنا كثر الدموع أتعبتني
والنفس بين في عيوني كدرها
أساير الدنيا وهي لوعتني
عيت تصافيني وضعت ببحرها
لا جيت أبسلى للكدر رجعتني
وقامت توريني عجايب صورها
دنياي من كاس الكدر جرعتني
دنيا عجيبه ما من اللي شكرها
حالت ما بين اللي هويت وهوتني
وزادت على بقاسي دهرها
فارقت منهي بالمحبة عطتني
وشكيت من الفرقا باعالي شجرها
من بين خلان الهوى غربتني
اتعب وهي تزهر بطلعة شهرها
دنياي عن كل الحلوم فرقتني
والعين نوم الليل كنه هجرها
ضاعت حياتي ودنيتي ساجنتني
بين الدموع وبين لوعة قهرها
"مدارات شعبية"