لاح برق المودة في سحاب المدى
لين أنور جبيتك يالسحاب العتيم
والرعد وسط صوته أزيز وصدى
يرتجف له خفوقي في الظلام البهيم
واختلط في مزونك ريح عطر وندى
كل زين جمعته يا عسى الله يديم
كيف دنياي صارت عقب هاك الردى
تبتسم يوم جاها ذا الوليف النديم
خذ حياتي وعيني كلها لك فدى
بس عطني دقيقه في خيالك أهيم
كل يوم يجي لك من رسولي ندا
رد مرسول حبي خل قلبك رحيم
يا حمامٍ على غصن المودة شدا
كيف تدله وفوقك حام صقر العديم
لو لقيته مسالم لو لمحته هدا
بين لحظه ولحظه صار عشك حطيم
"مدارات شعبية"