ضايقٍ صدري ولا أدري وين أروح
لا صديقٍ لا قريبٍ لا حبيب
ولابه إنسانٍ معه اجلس أبوح
ولو انادي مابه إنسانٍ يجيب
ولا لقيت اللي معي صادق نصوح
كل من القاه القى امره غريب
وكل ما شفت الامل بادي يلوح
قبل لا أضحك عن عيوني يغيب
الحزن هو اللي أشوفه وبوضوح
والفرح ما بيني وبينه نصيب
صرت احس إني جسد من دون روح
صرت احس الموت من روحي قريب
منتهي في دنيتي مالي طموح
ضايقٍ بي كل ذا الكون الرحيب
"مدارات شعبية"