يرتاح بالي يوم أشوف المنارة
والله وأكبر وسط بيتي يردد
هذا فخرنا والريح وتجارة
وهذي دروب معرب الخال والجد
من زارنا يبشر بضوء المنارة
وذكر الله الوالي وعبده محمد
حنا هل توحيد وأهل البشارة
حنا حماة البيت والله يشهد
من هدي أبا لقاسم ونتبع مساره
وبسيف خالد نفصل الهزل والجد
واليوم أشوف الوقت غير مداره
وصارت معاصي الخلق تشكر وتحمد
شب الفتن وأعلن علينا بغارة
وسل سيوف وسيفه العام مغمد
وان ما وقفنا له بعقل وجساره
وخفنا نهار مسكن العبد في لحد
وكلنا بدا بالحرب من وكر داره
قبل الفتن تشتب والنار توقد
ولا غد يناله حطب وسط ناره
يا الله تحفظ الدين من كل مفسد
الدين فوز والمعاصي خسارة
والهادي الله وأمر عاصيه منلد
وصلاة ربي عد ما أبلج نهاره
على النبي اللي سكن جنة الخلد
"مدارات شعبية"