لولا التجارب والأخطا ما تعلمنا
في كل طقه على ما قيل تعليمه
نحسب أحساب الخطا لامن تكلمنا
وأن طاف شيء خطأ فالعذر تقديمه
من قدم الطيب اله بالطيب قدمنا
وندبل له الطيب والمعروف والشيمه
واليا حضرنا جموع الناس سلمنا
تحية الدين بالسلام تسليمه
وتردنا عن بعض حاجاتنا شيمنا
من لا يعرف الحقوق ضعيف وبهيمه
واحد تحطه خوي لك على اليمنا
واحد يجيب الملام ويلحقك ظيمه
بعنا وشربنا وتاجرنا وساومنا
وعشنا ببيت الشعر والقصر والخيمه
وخضنا تجارب وفي بحر العنا عمنا
ما هي سواليف ابو قصه وتنعيمه
واليا نصينا بلازم نقدره قمنا
والضيف ما نشح في حقه وتكريمه
والرزق قسمه ورب البيت يطعمنا
والآدمي مايجيه الا مقاسيمه
والمال منه الكرم والطيب محرمنا
والوقت هذا صعيبات (ن) مفاهيمه
وما راح بالطيب راح ولا تندمنا
والبيت صعب عقب مبناه تهديمه
والقل يردي العزوم ويقصر اليمنا
والمال يرفع رجال ما لهم قيمه
"مدارات شعبية"