سلمان يا سلمان يا منبع الجود
سلمان يا راعي الوفاء والفضيلة
لا كبرت القاله وجاء العلم مردود
شليت حملٍ عجز غيرك يشيله
قواعد التخريب ما حصلت فود
ما حصلت يا كود ذل وفشيله
قواعدٍ ما حطها كود مقرود
حاقد وضايع ضيع الله دليله
اقطع اعناق أهل الفتن لا يجي زود
لا قطع رأس الداب يقفاه ذيله
الطيب فاهل الطيب مازال موجود
والطيب فالانذال ماله حصيله
انتم لنا عدٍ قراحٍ ومورود
والله ما يطفي ظمانا بديله
وحنا لكم يا سيدي دروع وجنود
ما هوب حنا وبس كل القبيله
وحنا ورثنا من سند وصية جدود
نرقى بطاعتكم برأس الطويله
حب الوطن في قلوبنا ما له حدود
أرواحنا تفدى الوطن وتحميله
بيعة وفا وإخلاص ما عنها نحود
وما قل دل وشاهده في قليله
"مدارات شعبية"