الشعر أله عند النشاما مكانه
في عصره الحاضر وفي عصر ماضيه
أليا جاك من رجلٍ حكيمٍ لسانه
يعرف قوانينه ويفهم معانيه
ما جمعه من سوق دانه لا دانه
سوق الفقير اللي خساره مقاضيه
كل الكلام اللي يقوله تكانه
من طيب راسه لا بنى البيت يوفيه
عنده على نقد القصيدة حصانه
محدن يقول البيت ذا فيه ما فيه
اللي لسانه فالمواقف احصانه
معطيه ربه ما يبي الناس تعطيه
ما جاب بيته عن طريق استعانه
ولا حط نفسه عرضتٍ للمشاريه
أمثال من شعره يبيله صيانه
مره يصيب الدرب ومرار يخطيه
أيجمع ألفاظ التفندي ذهانه
ومضيعٍ طعم القصيده تفنديه
لو كرس جهوده وخش امتحانه
تقصر عن دروب المراجل خطاويه
"مدارات شعبية"