يا من ضفت شمسه لكل المواجيب
تشرق سناء شمسه لشبه الجزيره
اللي رقى مجده على قمة الطيب
غيثٍ يرش الأرض في كل ديره
ماخطت الدنيا بوسط المكاتيب
مثله ولا شبّه على طيب غيره
بندر فهد وبل الكرم والسحاحيب
أمير جود ومسك طيبه عبيره
فخرٍ نفاخر به وبيطارٍ مهيب
خط بقلم فعله للأمجاد سيره
فهد أبوه بكايدات الشلاهيب
يرسي بساعات الامور الخطيره
وخاله الملك خالد يدينه مخاصيب
اللي كتب أروع محبه وسيره
وجده سعد عطب اللقاء والمخاليب
أسس مع معزي أمورٍ مثيره
عند الليالي الممحلات المحاديب
عضده وعند أم اللوازم شويره
أن قلت ما بيّن سناء الشمس ويغيب
على الذي مثلك فعوله جديره
يا أمير يا فكاك عسر المناشيب
مواقفك طيب الرجال وبريره
شعري يهلي بك حروفه مناديب
يا عزوة المحتاج فعلك نصيره
عديت بالمعروف شمّ المراقيب
من جاك هانت له أمورٍ كثيره
يوم إن كلٍ يفتخر بالمعازيب
أنا أفتخر بك وأنت كل الذخيره
قلته ولا لي شي غير أذكر الطيب
اللي شرق في كل شبه الجزيره
"مدارات شعبية"