رجال الامن ما نلحق جزاهم
علينا كنهم من والدنيا
نسوا اولادهم واللي وراهم
وضحوا للوطن دنيا ودينا
علم صقر الجزيرة في ذراهم
وسلم الطيبين اللي رضينا
ولاة الامر شافوا مستواهم
دعوهم للتكاتف واقفينا
إذا الواجب دعاهم في رضاهم
يحدون العدو حتى يلينا
سقا الله أرضهم واللي هداهم
ودربهم على الشده سنينا
رجال المملكه ذولا تراهم
تكاتفهم يصد العابثينا
اذا ناظرتهم يلمع سناهم
وهم من بيننا منا وفينا
على الارهاب ما تخطي عصاهم
يجوبون الفيافي قاصدينا
يلاقون المدافع من دهاهم
وزول الموت له متجاهلينا
الاول دينهم يسبق هواهم
ومن بعده ملكهم طايعينا
وبعده للوطن شادوا ثناهم
ولا يثنيهم الخوف الدفينا
اذا يذكر لهم شي شناهم
قبل ما يلتفت له جاذبينا
فتوه من قبايلنا علاهم
سلام الله بين العالمينا
هدفهم طاعة المولى رجاهم
وعز المملكه فوق الجبينا
انشهد شفتهم يضوي سماهم
سمات الخوف فيهم ما تبينا
اسود المملكة يحرق لضاهم
يشبون الفتايل فايزينا
عرفناهم على الطاعه ولا هم
ولا يرضون كيد الفاشلينا
انا واهلي وربعي في حماهم
وغيري بالوطن له ساترينا
الا يالله ما تقطع رجاهم
ورجعهم لاهلهم سالمينا
"مدارات شعبية"