الهوى ربما يصل الأمر القتال
وذا دليل الوفاء وإخلاص بالعاشقين
بس أنا واضعٍ يازين ألف احتمال
لو تخون اصبر و(ربي مع الصابرين)
الصبر للفرج مفتاح لو كان طال
ما خبرها تضيق إلا وربك يعين
الله الله سقا الله يوم ذيك الليال
يوم كنا على درب الفرح سالكين
كنت أشوف الحزن وأقول نولك محال!
لكن الحين شفني هم مع دمعتين
بس آكابر واحاذر من كلامٍ يقال
لا يقولون (ثامر) صاحبة مستهين؟
صعبٍ أجلس بهمي بين جمعة رجال
فيهم الصاحب.. وفيهم عدوٍ مبين
آه لواملكك أنت وغرامك حلال
وسط بيتٍ أمين.. ولا دخلته حصين
من بغى جيتك يقطع جميع الآمال
ييئس إياس ويجلس بانتظاره حزين
بس لعيال عمك حظ في ذا الجمال
هم بك أولى وأنا واحد من العارفين
من خذا بنت عمه شي ما به جدال
اشهد انه رجل من لابةٍ فاهمين
ولو آقول القمر يازين بين شمال
ما تصدق.. وأنا ما صدق إنك تبين
"مدارات شعبية"