الصاحب اللي يتصل بي إليا احتاج
واليا قضى من حاجته ما اتصل بي
لا شك ما له مع هل الطيب منهاج
خله يروح بدرب وانا بدربي
الناس فيهم صاحب شوفه علاج
هذاك فالشدات تلقاه جنبي
كريم نفس ولابس للشرف تاج
الطيب افخر به وهو يفتخر بي
وفيهم خبيث القلب بالكذب هراج
يضحك معي وان شاف فرصه غدر بي
الله يزته من ورى حد سوهاج
والا عساه من السراه متدربي
لا عاد ما من فود وعلومه ازعاج
لو قيل راح الشرق روحت غربي
ما يجتمع دربي مع النذل والداج
ممشاي مع شهم شجاع وذربي
وختامها يا الله يا وال الافراج
طالبك تغفر لي خطايه وذنبي
واقول يا اهل العرف ما عندي احراج
صريح انا دايم لساني وقلبي
من لا يكلم غير لا صار محتاج
خلوه يمشي بدرب وانا بدربي
"مدارات شعبية"