سلام من روحي إلى معادل الروح
لك في حشايه كل ورده نديه
لو كان تبعد عني اليوم وتروح
يبقى العطش لك والجروح الخفيه
ناح الحمام اللي تناغا على الدوح
وأنا مثل نوحه بجال الركيه
ان غبت عني قلت يا شوق مسموح
وان جيت كل الروح جاتك هديه
سد الهوى مهما حصل فيه ما أبوح
مهما عطشت وجف نبعك عليه
والى ذكرتك كن بالعين ذرنوح
واصد بدموع العيون العصيه
يمكن سنا برقك على داري يلوح
وتسيل وديان الغرام النقيه
ويطيب قلب من عنا البعد مجروح
وتصبح حياتي في لقاكم هنيه
يا غرو يا مجمول بالدل مملوح
قطع الوصل كانك نويته خطيه
"مدارات شعبية"