يا حبيبي تمهل لا تقول الوداع
خلنا منك نشبع شوف وشبك عجول
في غيابك حياتي من ضياع بضياع
وفي وجودك حبيبي كل هم يزول
انا مركب حبيبي وانت ليه شراع
ما يتحرك ويبحر وانت عنه معزول
اجي يمك واكابر في قرار شجاع
وليّامني وصلتك يصيب القلب هول
انت تامر حبيبي ترى امرك مطاع
لو تبي الروح ترخص واللي تبغى تنول
انا ماني من اللي لا شرى اليوم باع
لا شريتك بقلبي ترى صعب تزول
انا لي قلب صادق ما يعرف الخداع
الوفا عادة له ما خبرته بطول
"مدارات شعبية"