يضيع الطيب فالخيِّب ومن مثله قليل أسناع
مثل من صب ماه بقربة خرما وضيع ماه
ولا يبغا الكريم اللي عطا ما عطاه رد إرجاع
جزاه من الولي جزل العطايا خير من يجزاه
ولا ضاع الجميل بشخص جاه من الكرم لو صاع
ولو حتى عطيته تملكه يذكرك فيما جاه
ويمكن رد صاعك صاع ومن فوقه ثلاث أرباع
اليا منَّك عطيته رد كثر اللي وصل وأوفاه
يحمد الله الله ويشكر نعمته لو مهنته صناع
كريم ويقتنع باللي منعه الرب والا اعطاه
ترى المعروف في أهله وغير اهله مصيره ضاع
يسيل السيل بالوادي على دربه ومع مجراه
ومن لا يطلب الفزعه غني عن فزعة الفزاع
ومن سار بطريق المعرفه والتجربة ماتاه
"مدارات شعبية"