جاني معاشي قاطعٍ له مشاوير
وصل ولقيته لآبدٍ بالمكينه
أدخلت كرتي وقمت أهمز الأزارير
ما أنتبه إلا وعيني بعينه
بغى يروغ وجودته الأظافير
ماله مَفر وعكرته قاضبينه
قبل آخذه تقاطعته الفواتير
والجيب واقف قاضيٍ بانزينه
ياراعي ألف وخمس مذكور بالخير
دون الوسط حاله عسى الله يعينه
يوجس بكبده مثل نغز المسامير
من قل مالٍ يملكنّه يدينه
ومع كل هذا ما يهاب المخاسير
ما يذبح إلا للضيوف السمينه
"شواطئ"