Al-jazirah

صور من الصحراء صور من الصحراء
الصحراء في شعر بندر بن سرور

بندر بن سرور القسامي العطاوي العتيبي لشعره نكهة صحراوية خاصة ذات معان قوية وقواف سلسة ترسخ في الذهن عند سماعها وتلامس الوجدان ولذلك أحسن سبكها وللصحراء في شعر ابن سرور نصيب الأسد وذلك في المقاطع التالية حيث يقول في مطلع قصيدة له وهو في صحراء بسيطا بمنطقة الجوف عندما تعطلت سيارته ونفد الماء في شدة الصيف:

يوم جرى لي في البسيطا تواعيس

بالسهلة اللي مثل لبة منيره

عيا حلال القوم لا يشتغل ريس

والماخلص والموت قدم وزيره

في سهلة فيها المنايا متاريس

يبدي بها المشحوف ما في ضميره

ويقول أمن قصيدة أخرى:

مقيالنا في سدرة طورها طور

تسوى حياة اللاش وسط القهاوي

وفي الذلول سفينة الصحراء يقول:

والله خلق بيدا الذلول وعسفها

للي يبا المنهاج مثل القطيفة

والفضل للي مدها ما قصفها

وانهج من الدار المحل للمريفه

وانصحك نفسك لا تسقط شرفها

ترى بعض بيض المجالس مجيف

وقال أيضا:

يا راكب حمرا من الهجن سرسوح

سرسوح ديان الخلا دربوها

تقرع كما يقرع على الفرضه اللوح

طرادة بالباخرة علقوها

كما قال في الغزل:

يا أهل الونيت اللي يبا مشغل البيب

مادك صدره بالخطوط الغزيره

يوم يتخثع في محير الاداعيب

يشدى تخثع جادل في حريره

ضد السلاح وضد كل المناصيب

ودوا سلامي وان وصلتوا منيره

وقال:

الله على اللي يوم يفتل عموده

يطلع ثرى ارض بعد القبض ماها

ليا اونس ثقيل الترس يرخى عضوده

شيهانة ترخي المتون لعشاها

عده على اللي ما يدرهم قعوده

من صار زيزوم المشاكل حماها

ثم قل لابن دهره يحضر شهوده

للرفقه اللي باعها ما شراها

وقت ركض كلبه ونامت فهوده

مما تشوف العين طول عماها

المال سالم والوجيه معقوده

برق التيوس اللي تواما لحاها

راعي صلاة الفرض بين سجوده

وراعي غرابيل النمايم لقاها

مسك الختام قوله:

ما يقدرون الجود سود الاطاريف

مشاركة بيض النسا باللحافي

يقدر عليه اللي حكم نجد بالسيف

واودع قبايل والقبايل اولافي

عبدالعزيز اللي يبث المصاريف

يجدع قناطير الذهب بالفيافي

يمشي على دربه جموع مزاريف

نو تنثر ماه والجو صافي

تشدي لواقيط الزبيدي بعد ريف

مما كسا البيدا تفيد الضعافي

مشعل الجبوري