ازعل عليه وغيرتي مالها حد
مثل السما ماله حدود ونهايه
يجيبها مزحة وأنا أجيبها جد
وصلت في عشقي حدود الغواية
ما يعترض طوفان حبي ولا سد
وفيك النهاية وأنت كل البداية
تصوروا لا قاللي ويش ها لقد
أغار من وصفه وأعيد الحكاية
لو يرتخي حبل الوصل قلت له شد
وان قلت أغار يقول هذي دعاية
مرة سألته وانتظر منه الرد
تحبني؟؟؟ وقف حزين وتايه
لي مع عيونه في ثرى الصمت موعد
ولبسمته في داخل القلب غاية
ولغيبته كل الحنايا تهدد
هو شمعتي هو بسمتي والهداية
جمرة غيابه داخل القلب توقد
في شوفته آية وفرقاه آية
عذر وبي الغيرة وعذر وبه الصد
بس انه أقسى شوي والراي رايه
من زايد الغيرة بغى القلب يجمد
من نظرته من همسته والمراي
"مدارات شعبية"