سر يا قلم واكتب على بيض الأوراق
قصة غرامٍ ساكنٍ في الخفوقي
حبٍ سكن وانساب في وسط الأعماق
انساب في داخل حشاي وعروقي
حب الحبيب اللي له القلب مشتاق
شوق الصحاري لشوف لمع البروقي
طال انتظاري له على حر الأشواق
الله يصبرني على نار شوقي
مدري علامه طول الصد ما واق
وما هو على درب الأحبة شفوقي
هو ما درى أن البعد للقلب حراق
والا درى بس يتعمد عقوقي
وإن قلت ببعد جاله القلب منساق
ينساق له ويَّا المعاليق سوقي
والقى خياله ساكنٍ وسط الأحداق
طيفه سكن ما بين رمشي.. وموقي
ما غيره من الناس في ناظري لاق
وحده هوى بالي.. وشفي.. وذوقي
يا الله عسى شمس الامل تشرق اشراق
ويا الله عسى وقتي يزين ويروقي
ويرد لي خلٍ تمادى بالفراق
ذاك الحبيب الي سلبني حقوقي
"مدارات شعبية"