لا والله اللي غاب عنا فقيده
رحل رحيل مابعد عقبه يشاف
اقفى كما زرع تدانا حصيده
حتى الورق هو والقصب والزهر هاف
ومن يوم شفت اسمه بصفحة جريده
هاضت قريحتنا على صخرة القاف
لو كان صخر القاف ماهو مفيده
من ما بقلبي جبت قاف بثرقاف
ياشين عيد عادنا عقب عيده
عيد يذكر بالمحبين ينعاف
ذكر على زول خالي حفيده
والقلب لأخو أمي محب وميلاف
يالله تغفر له وترفع رصيده
وتبسط له الجنة له أفراش والحاف
عساه بالفردوس يلبس جديده
في جاه رب كون النون والكاف
الله يجبر في وفاة وشديده
رحل رحيل مابعد عقبه انكاف
عجز يعبر كلمة في وريده
عقب المعزة والكرم شيل بأسعاف
من عقب ما كل اقباله يريده
حطو عليه الرمل ساف على ساف
للمقبرة شاله وحطه عضيده
وانكف ودمعه فوق الأوجان ذراف
للادمي هذي حياة زهيده
والمسعد اللي لا أظلم القبر عراف
اللي يفكر يوم يسكن وحيده
في مظلم ماله مصد ومحراف
"مدارات شعبية"