آه من راس هواجيسه كثيره
يزحم الهوجاس في هوجاس ثاني
عقب فقد اخوي هالدنيا صغيره
يرحمه ربي ويسكنه الجناني
راحت احلام معه كانت كبيره
من عقب خالد رحل فرحي ونساني
آه يا دموع على خدي غزيره
آه يا هم براني.. وانتحاني
الليالي دون خالد لي مريره
صغرت الدنيا بعيني في ثواني
يا الله أنك ترحمه وتزيل حيره
وترفع لمنزاله بعالي الجناني
وتصبر اللي صارت همومه كثيره
عقب موت اخوه شان به الزماني
"مدارات شعبية"