لا تحسب الزعل لو طال منك يفيد
كل ما طال هجرك زت عنا ابتعاد
تدري أن الزعل للبعد أصل بريد
يعني من بين قوسين الزعل منك زاد
لا يغرك عذول قال خلك عنيد
انت شاطر وتفهم ما يفيد العناد
تذكر أسألك كيفك قلت أنا بك سعيد
كنت أنا ذكرك حي وانقلبت لجماد
واذكر اني سألتك كان حبك أكيد
والجواب الغريب انك جوبتي وكاد
كان قلبك حنون وصار قلبك حديد
وكل شي تغير من بياض لسواد
ليه بعت المحبة والغلا بالزهيد
وكيف حبٍ زرعته ينتهي بالحصاد
وليه زرع الغلا والحب يصبح هميد
عقب ما زهر رتعبه من جفاك الجراد
ما انتظرت الغلا ينقص بغيته يزيد
لين شفته لبس قلبي عليك الحداد
كم تغنيت فيك وكم كتبت القصيد
بس ما خبرت الميت يجاوب مناد
والله أني احبك مير قلبك بليد
والله أني أحبك بس خل الرقاد
شوف حبك بيد وباقي الناس بيد
طالبك تفهمني ما بقابي جهاد
لا تذوب المحبة مثل ذوب الجليد
وقلبي اللي جرحته لملمه بالضماد
وأرجعي لي تعالي نبتدي من جديد
وكل لحظه نبيها بين حب ووداد
"مدارات شعبية"