يا الله ياللي كل حي يساله
يا خالق أجيال ويا مفني أجيال
ياللي محمد باعثه بالرساله
رحمه لناس قبل الإسلام جهال
طالبك يارب عزيز جلاله
تقبل دعا عبدٍ يناديك ويسال
انك تحفظ أهل الوفا والشكاله
اللي لهم في قمة المجد منزال
ملوكنا اللي حكمهم بالعداله
حنا فداهم دوم بالحال والمال
سلالةٍ يا حيّها من سلاله
من راس حر موكره قمة جبال
والشعر له ناموس تارد حباله
شبره ليا هست شبور الحكي طال
في مدح من فعله ينومس مجاله
من طيب فعله زاد من فوق الأفعال
سلطان سعد اللي يجيه وعناله
ريف الارامل واليتامى والاطفال
زبن الضعيف ليا نصاه وشكاله
خيرٍ لصدقائه وشر للانذال
كم واحدٍ حمله ثقيلٍ وشاله
زاحه عنه لوكان مهوب ينشال
اسعد حياته عقب ما ضاق باله
وخلا الهموم تزول والضيم ينزال
ينفق على المحتاج من حر ماله
سلطان خير اسمه وياصدق ما قال
حلحيل ما تمشي عليه الحياله
حلحيل حلال وللحبل فتال
من كثر طيبه ضاري بالجزاله
بيته لمن ينصاه مزبن ومدهالٍ
نعم بعمانه ونعمٍ بخاله
ونعمٍ ببوه اللي تخيّر له الخال
كم واحدٍ مظلوم طلق اشكاله
بالحق ما يسمع لشاير وعذال
الله عطاه الخير والشر زاله
سلامته عيدٍ لنا وافي الاخصال
محبته بقلوبنا أكبر دلاله
انه علينا حرص في كل الاحوال
وصلاة ربي في الكلام ومقاله
على محمد عد ماهل همال
"مدارات شعبية"