قالوا تحبه قلت حبه علاجي
وبعده مرض قلبي وقربه علاجه
قالوا مزاجك قلت شوفه مزاجي
والحب الأصلي ما تغير مزاجه
وأنا مع المزيون بعرف خراجي
وكل على ما قيل يعرف خراجه
ولا نيب لا ناسي ولا نيب راجي
ومهما حصل محتاج يالربع حاجه
قربه وشوفه حاجتي وانفراجي
والقلب بوجوده يزيد انفراجه
وفي شوفة المزيون فلة حجاجي
يا معطي الولهان فلة حجاجه
وعوايد العشاق كثر المراجي
وكل حظوظه تدفعه فالمواجه
وبحره قراح وشرب غيره هماجي
ولو هو هماج أقول محلا هماجه
وما بيني وبينه حدود وسياجي
وحبه وحبي صدق ما هي عواجه
وكل المشاعر والعواطف تناجي
وآخر نتيجة يا هوى القلب ناجه
"مدارات شعبية"