لاضاق صدري قمت اسوي من الكيف
فنجال بن ما يغيب سريبه
بكر على بكر عذي من العيف
يطري على ان قام خطو الزريبه
وليا صبه كن لون ليا شيف
سلك الحرير اللي تمهل صبيبه
صبه لمرور براسه زعانيف
اللي ليا شبت يصالي لهيبه
ويثني على الربع المقفين بالسيف
لاصار في تال التفافيق ريبه
وفينا محازمنا سواة الكرانيف
ومعنا خطاة ملظب لاح شيبه
لعيون غيد شركت تنثر الليف
اللي شكا وارد قناها عسيبه
بغربي قفار كنها مزنة الصيف
شرق عن البطحا بجازع شعيبه
اللي نماها للمسايير والضيف
يوم ان خطو النذل حارب قريبه
صرنا لعدلات المناظر كلاليف
ننجش لهم ملح الشفا كل غيبه
"مدارات شعبية"