جوال الميدان

* جوال: عيدك مبارك يا مجول عقب الزحمة.
* مجول: الله يعيده علينا وعليك بالصحة والأمن والأمان.
* جوال: على طاري الزحمة اشوف القرعة شغاله.
* مجول: من قدها 70 رأس وفالتها وعليك الحسبة.
* جوال: الأزرق يولد شعللها في سباقات الليلة.
* مجول: في شوط الكأس والا الدوري؟
* جوال: شكل الازرق ناوي يغازل الدوري عبر كأس الليلة.
* مجول: يا بعدي نجوم الأبيض تراها متشطرة.
* جوال: غير شوط الكأس وش اللي وقف ارسالك عنده؟
* مجول: تقدر تقول قايد الخيل واللي يمدحون شغله ها الأيام.
* جوال: راكز؟
* مجول: ونعم ولد لا هوم بس مالك لوا.
* جوال: مسعد يا مسعد!
* مجول: نعم الليلة مسعد من نجومها.
* جوال: وعلوم أهل الخيل.
* مجول: من قد أهل الجنادرية؟
* جوال: عسى الكهرب والماء جاهم.
* مجول: ابشرك سفلتوا طرق مزارع الخيل والخير قدام.
* جوال: وعلوم البلعات.
* مجول: بلعات ما قبل العيد والا بعده؟
* جوال: الا على طاري البلعات ما توقع يطبقون تحليل (اللعاب) في سباقتنا.
* مجول: ليتهم يطبقون تحليل الخمسة الأوائل والا اللعاب يبيله ميزانية!!
* جوال: وآخر العلوم.
* مجول: النية على مزاد سبتمبر.