صادفتها لكنها حيرتني
مدري نستني أو وش اللي خذاها
يا ليتها في موقفي كلمتني
والا سألت عن حبنا أو غلاها
غصب على نفسي بروحي خذتني
عادت على ميعاد جرحي هواها
عيني عليها بالنظر واعذرتني
حتى سبقتني دمعتني من غلاها
الشوق ناره ولعت ما أسعفتني
ولا سعفت صمت الذي اشتكاها
بعد الزمان اللي مضى أشغلتني
عود على دقات قلبي عناها
يا ليتها يا ليتها خبرتني
عن حالها في صبحها في مساها
أقفت وأنا ولهان ما ودعتني
وغابت نجوم الليل عني معاها
"مدارات شعبية"