كلمتك يا مير السعد ترفع الراس
كلمة عزم كلمة فخر تشرح البال
مثل الذهب يفرق بوضعه عن الماس
اوجزتها لكنها تازن اجبال
ماهي غريبة بيت مبني على ساس
ما هي غريبة قدها قول وافعال
اتصحي اللي غاوي وعنده احساس
اتصحي اللي مرافق اشرار وانذال
ومن لاصحى بكره بالاقدام ينداس
وش عاد لو انه ولد عمٍ وخال
الدين حنا له جنود وحراس
بإذن الله المعبود علام الأحوال
والله دون الدين لنبيع الأنفاس
والله يرخص دونه المال والحال
بقيادة اللي للصعيبات غطاس
فهد فهدنا للصعيبات حلال
حاكم حكيم وياخذ الامر بقياس
ما هو من اللي علمهم يضرب الجال
لا قال ابو فيصل ودقن الاجراس
نفدي الوطن والدين شبان وعيال
"مدارات شعبية"