بديت ذكر الله على كل ماقلت
رازق جميع الخلق محصي عملها
وضحت ما ولفت بالطبع واكملت
وأوجزتها للمستمع عن مللها
طوع لرأي محصل المجد ما ملت
اللي الى شاف المحيفة عدلها
والنفس عرضة للمخاطر وللشلت
وتقدم على درب الخطر من جهلها
ستين عام اقبلت واجنبت واشملت
بين الرواة افرادها مع جملها
جمعت شعر وللمتاعب تحملت
ومكسره عدَّلتها عن ميلها
معها القصص تشرح لنا ما تخيلت
واسم هله والراوي اللي نقلها
تاريخ ماضينا هل المجد لاسلت
الى قريته ما تدور بدلها
ما حفت مع هذا لهذا ولا أهملت
عميت شعر المملكة كل اهلها
سمعوه مني بالإذاعة وعللت
بالبادية عشر وثلاث كملها
واذكر رسايلهم بها ما تساهلت
آخذ صحيح القول وأترك جدلها
راعي الوفا يشكر جهودي وما نلت
ولا نلتفت للمغرضة مع سفلها
وان يسَّر الباري على السير واصلت
اجنب المطبوع والقى بدلها
خدمة وطن لملازمه ما تمللت
يا اللي تعد الحق بالصدق قلها
"مدارات شعبية"