جانا الخبر والعين هلت دموعي
وازدادت العبرات صبح وعشيه
علماً رجس بالقلب بين الضلوعي
مرحوم ياللي صادفتك المنيه
قفتبك الايام ما هو بطوعي
عساك في جنات رب البريه
رحلت عنا يا حسين الطبوعي
ياللي على الجيران مالك خطيه
يا مدهل الضيفان هم والربوعي
يا عيد ربعه بالليالي العصيه
يا مسوي الفنجان قبل الطلوعي
راعي الوفاء والجود جزل العطيه
يا مواصل الارحام ما انته قطوعي
ياللي تحب الخير في كل نيه
كم مسجداً سويت لهل الركوعي
الراكعين اهل القلوب التقيه
يا للي تصلي الليل وقت الهجوعي
الله يجيرك من عذاب الوريه
يا رب وسع له في قبره وسوعي
مد البصر لبوسعيد هديه
"مدارات شعبية"