هاذي حياتي يا هلي لا تنوحون
الله كتب ضيم الزمن من عناها
يا اللي تشفون القصيدة وتوحون
روحي مع الأيام صعبٍ دواها
لا يا هلي عن دورة الوقت تدرون
دارت بي الدنيا ودارت رحاها
في عالم الأحزان تايه ومحزون
سود الليالي ضيعتني وراها
حزني كبير وبالحشاعدة اطعون
ماظن مثلي بالبشر قد شكاها
أشيل حزن أيام عمري ومغبون
ليت الليالي علمتني خفاها
الحال سبع سنين من دون في دون
وعيني من العبرات أمطر سماها
راضي بما يكتب عليّ وممنون
روحي على الصدمات ربي بلاها
يا الله يا اللي لك عبادك يصلّون
تنهي شقا نفسي وتجبر عزاها
"مدارات شعبية"