يا الله أنا طالبك يا خالق الكون
يا واحدٍ دايم ولا غيره ايدوم
ياللي بأمره كل ما كان ويكون
ياللي جعلت الموت للعبد محتوم
تغفر لمن هو بآخر الشهر مدفون
ذيب الرجال اللي رحل بآخر الصوم
اجعل جبينه عن سنا النار مصيون
في عالي الفردوس سابق ومحشوم
وارحم عيون لجل فقده يبكون
إلها ثلاث ليال ما ذاقت النوم
يا فارج الكربات منك اطلب العون
افرج لمن قلبه غدا اليوم مهموم
عليك يا ذيب العذارا يصيحون
ويحزن على فرقاك شجعان وقروم
يفقدك ناسٍ بالمساجد يصلون
والكل من فرقاك بالحيل مكلوم
لا مر ذكرك كل ربعك يقولون
مرحوم يا ذيب الرجاجيل مرحوم
"مدارات شعبية"