يا الله ياللي تسجد الناس لرضاه
يا عز من ضاقت عليه الوسايل
يا ربنا اللي ما خسر من ترجاه
أنت الكريم اللي تمد الجزايل
يا الله شافي سيد الجود يا الله
سعود كساب الوفا والجمايل
عساه يسلم من صواديف دنياه
ولعل ميامه علينا قلايل
جعله يعود لمجلس فيه تنصاه
في مجلسٍ تنصاه كل القبائل
مشرعٍ بابه المنجاه يلقاه
ما صك بابه عن عيال الحمايل
من ضاق به وقته وحده على قصاه
ينصاه من حمله على المتن مايل
بالمال والمعروف الطيب والجاه
يحل عسرات الأمور الثقايل
شيخٍ قليلٍ يا موصف حلياه
دنيا ودين وافياً بالخصايل
شيخٍ شهر بين العرب صيت طرياه
عون الضعيف وضد من كان عايل
يا كثر من جاله من الفقر واغناه
قولٍ صحيحٍ له شهود ودلايل
ويا كثر ما تعطي من المال يمناه
له فيه مجال الخير دايم فضايل
فيه القصيد يزين والمدح يزهاه
في مدح من له فالمواقف فعايل
لا شك والله كيف أبوصف مزاياه
في وصف أبو خالد تحير المثايل
بالخاتمة بطلب عليمٍ رجيناه
لعل عمره سيد المجد طايل
"مدارات شعبية"