يا سيدي حنا هل الحق واكثار
ولا اهل الباطل أبشرك قله
غاراتهم تذكر بشاشات الأخبار
وغاراتنا نحمي وطنا ونجله
نعرف فضل من وحدونا والأخيار
من أهلنا اللي ذبحوا فدوة له
أقطار كنا ويا ترى وش هـ الأقطار
كل نخلتين دولة مستقلة
فقر وجوع وخوف ما يامن الجار
جاره ولا يعطف على الخل خله
ثلاثة قرون ولا مرت اقصار
يطوي الوطن سيف وسيف يفله
لين انتهت ياسيدي خير واعمار
والمملكة في أمنها مسفهله
من اليمن للشام لو كوكب سار
فيها وحيد دور اللي يدله
الفعل يشفي غل وافين الأشبار
والا الردي يشفي من الحكي غله
فينا عيوب ومن بلا عيوب ما صار
من فيهم الكامل ترى الكامل الله
وفينا مزايا شعشعت مثل الأنوار
مشاعل في الليل شهب وأهله
ما تنجحد لا شك في الخلق فجار
ما يقبلون الحق دقه وجله
ومجادل الحاقد مثل لعبة قمار
ما هي حرام وبس.. خسر ومذله
"سماء النجوم"