توي لقيت الهجن باكوارهن كيف
باكوارهن ينسى هوى كل غالي
ياراكبين اكوار حيل مواجيف
حراير يزهن جديد الدلالي
حزة طلوع سهيل دنوا شواحيف
يا اهل النضا خوذوا سواهيج بالي
لاطالت الفرجه يجيهن زعانيف
حيل يجفلهن سمار الظلالي
لاصدرن من مارد كنهن عيف
بوسوطهن ما احلى وسوم الحبالي
يجفلن من قمع الحجار المشاريف
مثل النعام اللي حداه الجفالي
يلفن رباع اللي يهلون بالضيف
مقلطة للضيف من كل غالي
يا اخوي ياريف الهزال المناكيف
يا مقلط للضيف حلو التوالي
دلال كما الغربان سود مهاديف
من كثر ماهي للسعاير تصالي
يا اخوي وش ملهيك عن ديرة الريف
والختم تاكل به عفون الرجالي
عوايدك تروي بها شذرة السيف
يازين حسك في عقاب التوالي
"مدارات شعبية"