دمعه على دمعه وجرحٍ يشتعل فيني وقيده
لا الدمع جفّ وجرحي أضحى كنّه أحدٍ من خواني
ما ارتحت فربوع الهوى ما ارتحت وربوعه بعيده
وما كل ما هو يشتهيه المرء يدركه بأماني
يا حلم الأيام العجاف وحلم الأيام الرغيده
لا تحسب اني للبعاد وطاري الفرقي اداني
العالم الله ما شعرت وشفت من هول النكيده
ابمثل ما شفت وشعرت بيوم ما حبك جفاني
اصبحت مثل العاشق اللي حطوا برجليه قيده
وش حيلته والوصل ثمره غصنها ما هو بداني
بس انت خابرني وخابر ويش هو حجم الفقيده
وخابر ان الوقت هذا لو عطاني ما عطاني
انته لحالك تبري القلب المعنّى في وريده
وانته لحالك تزهر ليا شافته عيني جناني
وانته لحالك من رحلت ازريت احصّل سيد سيده
والشوف لامنّه هجرني ما تعوّضه الاذاني
كل الحكايه هرج واشي دبر بهْرجه مكيده
لا.. لا تكبرها وتكْبر وانت عارفني اعاني
يا لهْف حالي لرجوع بقلب نبضاته جديده
بس انت لو يطلبْك ترجع خبرك بترجع عشاني
"مدارات شعبية"