ليه الزعل يا مشغل البال وش فيك
وش جاك من قلب يجبك ويهواك
وشبك على اللي همه اشلون يرضيك
يزعل جميع الناس ويدور رضاك
يا غاية المطلوب وش باقي أعطيك
كل المشاعر صافحت كف يمناك
ان كان حبي يا اريش العين مشقيك
قل لي وانا مع دورة الوقت ابا انساك
وان كان قصدك تجرح اشواق مغليك
خاف الذي بالزين يا زين سواك
لو ينشكى فعلك على الناس لاشكيك
ما احد بهذا الكون سوى سواياك
لا تحسب إني وان تشرهت ما أبيك
يا ضيف عمري باقي العمر يفداك
وختامها لو يعطي الوقت صافيك
اموت واحيا في غرامك ولاماك
"مدارات شعبية"