شعر مثل يا فاهمين التماثيل
كل يجى شعره بحسب اقتداره
من عاش ينظر بالسنين المقابيل
يذوق من عقب البروده حراره
الطيب يخلق مع قلوب الرجاجيل
ماهوب في بنك التجارة تجاره
والرزق من عند الولى بالتساهيل
ماهوب بالقوة ولا بالشطاره
من عاش في حيله وكذب وتهاويل
يا سرع من عقب الطلوع انحداره
والشور ما ينفع قلوب المهابيل
كالزند وان حرك تطاير شراره
لو تامره بالعدل يعرض عن الميل
بستل على رايه بربح وخساره
والطبع ما ينزال غيره بتبديل
مثل الجدى مرساه ليله نهاره
والحنظله لو هي على شاطي النيل
زادت مرارتها القديمه مراره
هذا مثل يا فاهمين التماثيل
كل يجى شعره بحسب اقتداره
"مدارات شعبية"