يالله ياللي بامره المزن ينشي
ياللي على خلقه تعم حسناته
تغفر لمن جاته وفاته يصلي
من آخر الدنيا وداعه صلاته
ولا اخبر منه زله بربعه ولافي
حتى لسانه وازنه بكلماته
وأخوي ياللي طول عمره وهو حي
ما قط كدر خاطري في حياته
ما حاز عني شيء ولاسال عن شي
ياقل الآخو اللي يسوي سواته
طول مرضه وآنا تراي المرض فيّ
واكن في صدر تفيض اعبراته
لو طالت الأيام ما نيب ناسي
هاك الحجاج اللي بعيد شماته
حفيت حجور العين من كثر ما ابكي
عليك ياللي فايتٍ في صفاته
هدّاج لو كثروا ضواميه يروي
وضلعٍ يزبن من يلوذ بجهاته
عسى صدوق الوسم لا جاله ازفي
يسقي قبر ناصر حقوق غشناته
نسل الشيوخ اللي فخرهم مطليّ
مشى مماشيهم ومد اخطواته
من جده العفار للجد تركي
وأسود الطراد مطوعينٍ عصاته
والجد الآخر كم على اسمه نسمي
سلطان أخو بجدا منومس آعزاته
معروفّ اسمه والمخاليق تدري
والسيف بالهيجاء يروي شباته
الله يشد أزري فا أخوي ببني خي
ساعد عضودي بعد أخوي بوفاته
"مدارات شعبية"