عبدالعزيز شلون ريف الهجافا
شيخ الشيوخ اللي عزيز جنابه
عسى السنافي يابو راشد تعافا
الله يقوم والدك من مصابه
ابوك يا كحيلان ريف الصلافا
مثل القراح اللي لذيذٍ شرابه
شيخ عليه الناس دايم تلافا
من عرفتي له ما بعد صك بابه
بيته كبير ونور سوره يشافا
بيت السخاء من جاه يلقى العشاء به
مقلط فقار النيب فوق الهرافا
والعود الأزرق ما يحسب حسابه
لقيل منهو قلت ريف الضعافا
ملجى الفقير اللي زمانه رمابه
الفيصلي مدات جوده جزافا
معدي على هقوات منهو هقابه
يا سعود جعله ما يجيك الخلافا
ياقاك رب الكون منشي سحابه
يا مزبن اللي في يديه الكتافا
ويذكر وراه مغلثات الذيابه
يا ملحف اللي مالقاله الحافا
وياجلابة اللي مالقاله اجلابه
المرجله من دربها ما تخافا
اما الردى تخاف منه وتهابه
"مدارات شعبية"