يا شارب الدخان شهر ارمضاني
فرصه لتركه كان عندك عزيمه
اعزم على تركه بصدق وتفاني
والله يعين أهل النوايا السليمه
اقلع عنه تراك تكسب حساني
وتفوز يا لغالي بأجر وغنيمه
تكسب رضا ربك بترك الدخاني
ورأتك واسنانك تعوّد سليمه
خل الخبيث اللي بشربه تعاني
من التعب والحال دايم سقيمه
لا تتبع الشيطان راع الأماني
يهديك لدروب الهلاك وجحيمه
اجعل مكانك في رفيع المباني
تسلم ولك يصير قدرٍ وقيمه
هذي نصيحه ساقها لك بناني
والقلب والساني محبّه وشيمه
"مدارات شعبية"