باقي عنب تفاح ليمون والموز
غنو لها يا شلة البرتقاله
والخوخ والرمان والتين واللوز
خُوذو على كل الفواكه وكاله
البرتقاله ضاف ثوبه ومحزوز
طول أو جيز والراس زاده جماله
عود انتهى حيله بها شد وإينوز
يعطي على ود الصغيره كفاله
عز العرب عبر الفضا صار مهزوز
بفعل الخشاش اللي سعو في زواله
من شأنهم بث الفضا صار محجوز
يدفعهم المفتون في زود ماله
الشايب اللي به بدت قطعة إفيوز
من هزته للراس يعرف إخباله
وذاك الذي جيله سبق جيل فيروز
لا زاد عمره زاد غي أو جهاله
واللي فتح صدره به الصوف مغروز
سلاسل ومكياج قدوة ضلاله
تقليد لبس الغرب والراس مجزوز
اغراب ضيع مشيته من اهباله
"شواطئ"