سلطان أبو خالد عسى الله يخليه
راع الوفا والجود في كل الأزمان
الله يغليني كثر ما الناس تغليه
ويحبني كثر الكرم في كحيلان
الشعر ما ينلام لو يحتفي فيه
كن المطر ماخذ من أوصاف سلطان
أنا فداه ولو يبي الروح قلت ايه
خيره يشتت كل ظلمة وأحزان
كريم كن الجود فيض من يديه
والصبح كنه ساكنه قلب ولسان
تعجز بحور الشعر.. تعجز معانيه
ومهما مدحت أحس بالمدح نقصان
رايه سديد وكل غادي يقديه
وعنده علاج لكل حاقد وخوَّان
خيره وفير وواسعات أراضيه
وتورق بعد غيثه صحاري وقيعان
لو اوصفه كل الشعر ما يكفيه
وتقصر عن وصوفه قوافي وأوزان
عبر الجزيرة قلت قافي واباهديه
لسلطان لو هو ما يكفيه ديوان
"مدارات شعبية"