قلبي اللي من أفراق الحبيب انكوى
كن في داخله نار كوتني كوي
لو بغى الصبر عن فرقا الغضي ما قوى
واحسب انه على فرقا الغضي مقتوي
كلما جيت أبدله عن هواه.. التوى
زول خللي على قلب.. يحبه.. لوي
أسهر الليل لين الصبح نوره ضوى
بين هم وهوجاس.. ومالي خوي
آه.. يازين قده.. كلما جا الهوى
من ليانه وزينٍ به.. تطوى.. طوي
غصن بان على جال الغدير ارتوى
كل يوم بعذب الماي.. عرقه.. روي
نظرةٍ من عيون الزين.. فيها دوى
تنعش الروح من هم طواها.. طوي
لو حبيبي على منهو يبيه اهتوى
كان ما احدٍ يجي.. في وجه.. من يهتوي
ليتني مع حبيب الروح عشنا سوى
بس حظي مع المحبوب.. ما هو قوي
"مدارات شعبية"