يامل قلبٍ حالته مستمره
خفقه ولجه دوم بين الضلوعي
عمر الفرح يا عبيد ما قط مره
حاله خطير وصار وضعه يروعي
ولو الصبر يفتح على المسره
اصبر ولو بانت علي الهزوعي
ولو انها صعبه وعسر ومره
اكسر يدي يا عبيد واحب كوعي
ولو انها بالعمر ما غير مره
ان كان ما بانت لكل الربوعي
مير البلاء دنيا عليّه مضره
دايم وهي ضدي على كل نوعي
ما تنتجارا كل لحن تجره
ازريت اجاريها واشب الشموعي
ما احدٍ يقول الوقت لله دره
كل بتالي الوقت طاويه جوعي
يا قل خير الوقت يا كثر شره
يا كثر ما قلبي بوقتي جزوعي
والنفس ما هي يابن الاجواد حره
غصب على ما قيل ما هو بطوعي
ولو زاد حملي بس مثقال ذره
يمكن على قبري تهل الدموعي
"مدارات شعبية"