خذني هوى قلبي على حين غره
خذني وجيت لعالم الحب مغتر
جيت المولع عاشق حيل مره
أمشي ومن غير اختيارات مضطر
بنت هواها تل قلبي وفره
وأصبح ورا حدب المعاليق مفتر
أول وقلبي ما تعدى مقره
والحين صار يساقة البنت منجر
اول ولا له بالهوى قد ذره
والحين فيه العشق ما يوسعه بر
الصيف قبل الحب مدري بحره
والحين في عز الشتاء أشعر بحر
لي هاجس ما بين فره وكره
اتعبني الهوجاس بالكر والفر
مرات اقول اني ملكت المجره
ومرات اقول الحب موت على مر
والله مادري كأنها لي مضره
ما عاد اميز وش هو الخير والشر
ما بالامر خذني على حين غره
قلبي وجيت لعالم الحب مغتر
"مدارات شعبية"